Kommunimut Pilersaarummut kommunimut ilassutitut pilersaarutissatut siunnersuut nr. 3 - Nanortalimmi nunaminertaq anorisaateqarfissiassatut toqqagaq

Nanortalimmi anorisaatit marluk napparneqarnissaannut periarfissap Nukissiorfinniit qinnutigineqarneranik tunngaveqartumik kommunimut ilassutitut pilersaarut suliaavoq. Anorisaatit tassaassapput nukissioriaatsit unammillersinnaasut ataavartitsisinnaasullu, Nanortalimmi avatangiisinut ajoqusiinngitsumik, ataavartumik piujuartitsisumillu kallerup inneranik pilersueqataasussat. Ulloq manna tikillugu nunatsinni anorisaatinik taamak angitigisunik nappaasoqarsimanngilaq, Nanortalillu nunatsinni siullersaalluni anorisaatinik taamaattunik nappaaffigissallugu toqqarneqarsimavoq. Nukissiorfiit kissaateqarnerisigut SMJ Ingeniørit kommunimut ilassutitut pilersaarut suliaraat. Pilersaarut uani kommunip nittartagaani takuneqarsinnaavoq imaluunniit Kommune Kujalliup Teknikkimut Avatangiisinullu Ingerlatsiviup Pilersaarsiornermut immikkoortortaqarfianut saaffiginninnikkut tunniunneqarsinnaalluni.