Pilersaarusiornermi periusissaq – Anguniakkat
Pilersaarusiortarnermut inatsisikkut piumasarineqarpoq qinigaaffinni tamani kommunalbestyrelsi pilersaarusiornermi periusissiamik suliaqartassasoq. Pilersaarusiornermi periusissiaq annermik suliarineqartarpoq kommunalbestyrelsip nutaap politikkikkut anguniagai erseqqissarumallugit. Pilersaarusiornermi periusissiaq suleqatigiinnissamik isumaqatigiissummi politikkikkut anguniakkat aallaavigalugit suliarneqarpoq, kommunalbestyrelsip qinigaaffimmi suliniutissatut aalajangersagai naapertorlugit. Pilersaarusiornermi periusissiami kommunalbestyrelsip kommunip ineriartorteqqinneranut periusissianik kissaatai takutinneqassapput. Periusissiaq sammivimmik takutitsisaaq kiisalu kommunimut pilersaarusiaq allanngortiterneqartariaqassagaluarpat allanngortinneqarnissaanut tunngaviliisussaalluni. Kommunimut pilersaarusiaq tassaavoq Inuussutissarsiutinik Illoqarfinnillu ineirartortitsinermi ingerlaavaartumi inatsisitigut sinaakkusiisoq.
Nutaamik pilersaarusiornermi periusissiornikkuttaaq siunertaasarpoq innuttaasut periusissannik anguniakkanillu qinigaaffimmi pineqartumi kommunalbestyrelsip, Nunaqarfinnik aqutsisut Allaffeqarfiullu malitassaanik innuttaasut paasisimasaqalersissallugit. Pilersaarusiornermi periusissiaq 2023-2027 kommunalbestyrelsimit akuersissutigineqareeruni saqqummiunneqassaaq kiisalu 2024-mi sapaami novembarip 30-ata tungaanut tamanut ammasumik tusarniutigineqarumaarluni.