Sassartoqanngitsoornera pillugu Qaqortumi Najukkami Ataatsimiititaliamik pilersitsinissamut immikkut ulluliisoqaqqippoq. Soqutiginnikkuit kingusinnerpaamik februaarip 16-anni Najukkami Ataatsimiititaliamut sassarsinnaavutit, sassarnissamut immersugassaq Qaqortumi Kulturimut Sunngiffimmullu pisortaq attavigalugu pieqarsinnaavoq, mail: kiob@kujalleq.gl, sumiiffik: Kirkegårdsvej B5, oqarasuaatip normua: +299 64 81 45.
Najukkami Ataatsimiititaliaq pillugu paasissutissat
Najukkanni nukittorsaanermut peqataagit. Oqartussaaqataaneq nukittorsarumallugu kiisalu innuttaasut najukkaminni sunniuteqaqataanerulernissaat siunertaralugu Kommune Kujalleq illoqarfinni najukkami ataatsimiititalianik pilersitsissaaq.
Najukkami Ataatsimiititaliat suuppat?
Najukkami ataatsimiititalianit sulissutigineqartut tassaasarput:
• najukkamik ineriartortitsineq
• innuttaasut, peqatigiiffiit kommunillu suleqatigiinnerat
• kulturikkut, timersornikkut inuillu akornanni aaqqissukkatigut najukkami suliniutit
• kommunalbestyrelsimut oqaaseqaateqartarneq siunnersuuteqartarnerlu
• Aningaasat najukkami siunertanut kommunalbestyrelsimit immikkoortitat sumut atorneqarnissaat najukkami ataatsimiititalianit aamma aalajangiiffigineqarsinnaapput.
Kikkut qinigassanngortissinnaappat?
Najukkami ataatsimiititaliamut qinigassanngortissinnaavutit:
✔ 18-inik ukioqalereersimaguit
✔ illoqarfimmi najugaqaruit
✔ kommunalbestyrelsimut qinersisinnaatitaaguit
✔ Inatsisartunut imaluunniit kommunalbestyrelsimut ilaasortaanngikkuit
Innuttaasut kulturimik sunngiffimmillu aqutsisunut attaveqarunik paasissutissat nalinginnaasut pillugit immersugassat immersussavaat kiisalu qinigassanngortinneq uppernarsarlugu atsiussallutik. Immersugaq takorusunneqarpat qinersiviusumi kikkunnilluunniit takuneqarsinnaavoq.
Qinersineq ima ingerlassaaq
• Qinersisoqassaaq 21. Februar nal. 13.00 innuttaasunik ataatsimiititsinermi
• Innuttaasunik ataatsimiititsineq ikinnerpaamik ullunik 14-inik siumoortumik nalunaarutigineqassaaq. 7.Februar-iat
• Matoqqasumik qinersisoqartassaaq.
• Taasisinnaatitaasut tamarmik peqataasinnaapput
Najukkami ataatsimiititaliap ilaasortarissavai:
• Ilaasortat qinikkat pingasut
• ataatsimeeqataasartut marluk najukkami peqatigiiffinneersut - katersortarfilerisut 2026-mi februaarip 16-iat nallertinnagu qinersinissamut aggersaajumaarput, Kulturimut Sunngiffimmullu aqutsisumit attavigineqassapput
Qinigassanngortittut pingasuinnaagunik taakku ingerlaannartumik isissapput.
Qinigassanngortitsineq
• Qinigassanngortinnissamut nalunaartoqassaaq illoqarfigisanni Kulturimut Sunngiffimmullu aqutsisumut saaffiginninnikkut.
• Killigititaq: kingusinnerpaamik innuttaasunik ataatsimiititsineq sioqqullugu ullut tallimat: 16. februar nal. 14.00, qinigassanngortittutut nalunaarsimasut 17. Februar tamanut allagarsiunneqassapput
• Allakkatigut piginnaatitsissuteqarluni qinigassanngortittoqarsinnaavoq - taannalu Kulturimut Sunngiffimmullu aqutsisumut tunniunneqassaaq
Peqataarusuppit?
Najukkami ataatsimiititaliat aqqutigalugit makkununnga periarfissaqarputit:
• Najukkami aalajangeeqataanissamut
• Illoqarfimmi ataatsimoornermik nukittorsaaqataanissamut
• Najukkavit ineriartortinneqarnerani suleqataanissamut
Paasissutissat sukumiinerusut
Najukkanni kulturimut sunngiffimmullu pisortaq attavigiuk.: kiob@kujalleq.gl / Kirkegårdsvej B5 / 648145