Qanoq peqataassavit?
- Aqqummut atsiussassatut siunnersuutigisat uunga mailimut nassiuguk: info@kujalleq.gl
- Aqqummut ateq siunnersuutigisat naatsumik nassuaataa ilanngussinnaagukku pitsaasaaq.
- Atit oqarasuaativillu normua allaqqassapput
Killigititaq: 28. Februar 2026
Unamminermi piumasaqaatit
- Kommune Kujallermi najugaqartuusaatit
- Atsiussaq Qaqortumi aqqutinut allanut atsiunneqarsimasunut eqqaanarpallaaranilu paatsoorneqarsinnaassanngilaq.
- Meeqqaniit utoqqarnut peqataasoqarsinnaavoq.
- Siunnersuutit kalaallisut aamma/imaluunniit danskisut nassiunneqarsinnaapput
Toqqaaneq
Siunnersuutit tiguneqartut Kommune Kujallermi aqutsisoqarfimmit misissorneqassapput, kingorna politikkerinut aalajangiiffigineqartussanngorlugit nassiunneqassallutik. Siunnersuutit nassiunneqartut aallaavigalugit aqqutimut atsiussaq kommunalbestyrelsimit aalajangerneqassaaq.
Mittarfissamut aqqummik atissatut toqqarneqartoq aalajangiinerup kingorna saqqummiunneqarumaarpoq.
Peqataalluarisi.