Qaqortumi mittarfittaarnissamut ulapputit arlaqarput, mittarfiliortulli kisimik ulapinngillat. Qatserisartummi portørillu aamma piareersaateqartut Upalungaarsimanermik pisortap tullia oqarpoq.
- -Pikkorissarnerup imarisarpiaraa, ajutoorfiusumi suliaqartussat inuppassuarni ajutoorfigineqartumik suleriusissanik aaliangersimasunik suligasuarnermillu tunngaveqartumik inuppassuarnut annaassiniarnermi sukkasuumik iliuuseqapallassinnaanissaq, Upalungaarsimanermi pisortap tullia Otto Kielsen oqarpoq.
Ajutoorfiit tamarmik assigiinngittuusarmata inuppassuarnillu taamak ajutoortoqassagaluarpat suliaq immikkuullarittuusussaavoq.
- - Pingaartissimavarput Qatserisartutta pitsaasumik tunngaveqartumik suleriutsinillu toqqaannartumik ajutoorsimasunik passussigasuarnissaannut sakkunik pitsaasunik piginnaanngorsarnissaat atortorissaaruteqarnissaallu, Upalungaarsimanermi pisortaq Otto Kielsen oqarpoq, naggasiillunilu nangippoq; Kommune Kujallermi Qatserisartut pingaartitaraarput suliassatsinnut naleqqussartuarnissarput, ullutsinni qatserisartunut annaassiniartartunullu ineriartorneq sukkasuumik ingerlasoq malinnaaffigaarput, tamannalu Kommunitta tapersersormagu nuannaarutigeqaarput.