Arfininngornermi januaarip 17-anni aaqissuussami inuttaasut soqutiginnillutik takkuttut 60-it sinneqarput.
Soqutiginnillutik takkuttunut timersornikkut peqatigiiffilerisunit, aamma timersornikkut peqatigiiffilerinikkullu sulisunit siunnersorneqarneq oqaloqateqarnerlu periarfissaavoq.
- Workshopip ingerlannerani meeqqaniit utoqqarnut peqataapput. Aaqqissuussineq taamaattoq peqataasut assut iluarivaat, siunissamilu neriullutik ataavartumik ingerlanneqartalerumaartoq, Kommune Kujallermi timersornermik, peqatigiiffilerinermik, pitsaaliuinermillu suliaqartoq Angerdla Kielsen Olsen oqarpoq.
Peqatigiiffiit timersuutinik ingerlataqartut uku peqataapput: Taekwon-Do klub, Qajaq Qaqortoq, Arcticsports Qaqortoq, Aalasa aamma K-33 oldboys.