Debora Kleist (Tippu) 1988-mili ilinniartitsisutut sulilersimavoq, ukiullu taakku ilarpassuini Nanortallip Atuarfiani sulisimalluni. Debora Kleist aammattaaq qasseeriarluni atuarfimmi pisortaasarsimavoq pisortamullu tullersortaasarsimalluni.Piffissallu ilaani Inatsisartunut ilaasortaasarsimavoq.
Debora atuarfimmut illoqarfimmullu sivisuumik annertuumillu sunniuteqaannarani aamma Nunatsinnut tamarmut sunniuteqarsimavoq.
Nanortallip Atuarfiata Kommune Kujalliullu tulluusimaarutigalugu Debora Kleist ukiunik 40-nngortorsiornerani allagartassaannik tunivaat. Deborap sulinera suleqataanit, ikinngutaanit ilaqutaanillu nalliuttorsiutigineqarpoq. Kommune Kujallermit Debora pilluaqqungaarparput.
Deborap ukiunik 40-nngortorsiornera novembarip 20-anni malunnartinneqarpoq.