Ulluni makkunani Cirkus Arenap kujataaniinnerani suliffeqqarfiit assigiinngitsut Kommune Kujallermi Ilaqutariit illuinut isissutissanik agguaanneqartussanik tunissuteqarnerat Kommunimit nuannaarutigineqarpoq, ilaqutariinniillu tigulluarneqarluni.
-Suliffeqarfinnut illoqarfinni pingasuni Ilaqutariit llluinut tunissuteqartunut tamanut qujanarujussuaq. Isissutissat tunniunneqartut ilaqutariinnut pisariaqartitsisunut agguaanneqarput, taakku nuannaarutaallutik qujamasuutigineqarlutillu tigulluarneqarput. Ajunngitsuliorneq taamaattoq ilaqutariippassuarnut nuannaarutissiisoq Ilaqutariit illuiniit nuannaarutigeqaarput, Kommune Kujallermi Ilaqutariit illuini aqutsisoq, Bibi Lund Kielsen qujamasulluni oqarpoq.
Suliffeqarfiit peqatigiiffiillu Ilaqutariit illuinut tunissuteqartut tassaapput:
Qujanartip Illua, Serano Boat Tours, South Greenland Boat Charter 44, Nanortalik Tømrer & Snedkerforretning Aps, Kiosk Ajaaja, Automa Narsaq aamma Eqaluk Tours, Qulleq Qaqortoq, Qaqortoq Auto & Marine Aps, GE Qaqortoq, SanTek Aps.