Oktoberip 20-anni KNR-ip nittartakkamini saqqummiussaani ”Suliat angerlarsimaffiup avataanut inissiinissamut tunngasut nuna tamakkerlugu 1573-it aalajangiiffigisassaasut” saqqummiunneqarmat allaaserineqarpoq Kommune Kujallermi meeqqat 55 procentii angerlarsimaffiup avataanut inissineqarsimasut pillugit suliaqartoq. Kommuninilu tamani Kommune Kujalleq ajornerpaamik inissisimasoq.
Procenti tamanna eqqortuunngilaq, Kommune Kujallermimi meeqqanit 166-iusunit suliat ingerlasut 206-upput procentinngorlugu 14,75-ullutik. Taakku suliat angerlarsimaffiup avataanut inissiinerinnarmut tunnganngillat, meeqanummi inuusuttunut innarluutilinnullu aamma tuunngassuteqarput. Meeqqallu ilaat arlalinnik suliaqarfiusinnaasarlutik. Taamaattumik kisitsisit saqqummiunneqartut piviusumut sanilliullugit nikingasorujussuupput.
-Meeqqat pillugit tusagassiorfiit saqqummiussaqarnerat ajoriffissaqartinngilarput, kisitsisilli eqqortut atorlugit saqqummiussisoqarnissaa pingaaruteqartorujussuuvoq, Isumaginninnermut Aqutsisoqarfimmi pisortaq Tina Evaldsen KNR-imut allagarnermini ilaatigut taama allappoq.
Isumaginninnermut Aqutsisoqarfiup naqqiissuteqartitsiniarluni KNR-imut saaffiginninnera borgmesterip iluarisimaarpaa. Taamaakkaluartorli KNR-ip nittartagaani Kommuni Kujalleq pillugu immikkut naqqiissuteqartoqarani nutaarsiassap peerneqarnera uggoraa.
-Nalunngilarput meeqqat inuusuttullu pillugit annertuumik suliassaqartoq, Kommunerpulli pineqartillugu paasissutissanik eqqunngitsunik saqqummiussisoqarnera pitsaasuunngilaq, taamaattumik uggoraara nutaarsiassap naqqiissuteqarfigineqarani peerneqaannarnera. Isumaginninnermulli aqutsisoqarfiup KNR-mut naqqiissuteqarluni attaveqarnera iluarisimaarpara, assiliarmi ilumoortoq innuttaasunut saqqummiunneqartussaavoq, borgmester Malene Vahl Rasmussen oqarpoq.
Isumaginninnermut Aqutsisoqarfiup KNR-mut naqqiissuteqartitsiniarluni allagaani paasissutissat naqqiissutigerusuttaat ataani skemami takuneqarsinnaapput.
|
|
Kisitsisit KNR-ip allaaserisaani saqqummiunneqartut |
Kisitsisit eqqortut august 2025-imeersut |
|
Inissiineq pillugu suliat ammasut ukiut 8 sinnerlugit pisoqaassusillit |
397 |
Sulianik ingerlatsinermut atortorissaarutip 2022-imeersuunera pissutigalugu tamanna ajornarpoq |
|
Inissiineq pillugu suliat ammasut ukiut pingasut sinnerlugit pisoqaassusillit |
175 |
Suliat 2022-mi tiguneqartut akornanni 31-it suli ammasuupput. Tassa imaappoq meeraq inissinneqarsimavoq imaluunniit suliaq suli ingerlanneqarpoq. Suliat ammagunik tamatigut imaanneq ajorpoq suliarineqarnissaat suli utaqqissunneqartoq. |
|
Suliat naammassineqanngitsut. |
1397 |
Suliat inissiinermut tunngasut 206-iupput, taakkunanngalu 166-it ammasuupput. Meeqqamut ataatsimut suliat arlaliusinnaasarput, tassami isumaginnittoqarfimmut nalunaarutiginninneq aamma imminni suliaammat immikkut ittoq. |
|
Kommunimi meeqqat eqqarsaatigalugit suliarineqartut procentii |
55,7 % |
Meeqqat katillugit amerlassusii aallaavigalugit suliat amerlassusii = 14,75% (206/1397)*100
Suliat meeqqat katillutik amerlassusiinut sanilliullugit = 11,88% 166 1397 100 |
|
Suliat ammasut ukiut pingasut inorlugit pisoqaassusillit amerlassusii |
206 |
Suliat 2023 -2025 augustimi tiguneqartut 175-iusut akornanni meeqqanut 147-inut tunngasut suli ammasuupput. Tassa imaappoq meeraq inissinneqarsimavoq imaluunniit suliaq suli ingerlanneqarpoq. Suliat ammagunik tamatigut imaanneq ajorpoq suliarineqarnissaat suli utaqqissunneqartoq. |