Malik 39-nik ukiulik Narsameersuuvoq, 2013-imi EASV-imi Drift teknologitut ilinniagaqalersoq, kingusinnerusukkullu 2019-imi illussanik ilusilersuisartutut Holstebrogimi VIA University Collegemi ilinniarsimasoq.
Malik suliassani attarmoortuni aqutsisutut, byggelederitut aamma suliniummik aqutsisutut sulereernikuuvoq, sulinermini nunatsinni nunaniillu assigiinngitsuniit suleqateqarnermik misilittagaqarluni.
Maliup misilittakkamini pingaartitai tassaapput sullitanut, suleqatigisanut aamma suleqatinut atassuteqarluarnissaq.
Malik Lundgaard Jensen Teknikkimut Avatangiisinullu Ingerlatsivimmi pisortanngornerani pilluaqquarput.