Nalinginnnaasumik atortut atavissut eqqagassanik angisuunik katersisarnermut ilaatinneqanngillat. Tassa assersuutigalugu perusuersartarfiit asaffiillu. Atortut atavissut sanaartornikkut eqqakkatut immikkoortiterneqartarput. Allanngortiterinerniit, isaterinerniit, iluarsaassinerniit aammattaaq sanaartukkanit nutaanit eqqakkat sanaartornermi eqqakkatut peerneqartassapput.
Eqqagassanik angisuunik eqqaasarnermut aamma ilaanngillat igitassat nalinginnaat, nunniutit, eqqakkat avatangiisinut ulorianartut aamma eqqakkat atoqqinneqarsinnaasut. Taakku immikkut iginneqartarput.
Eqqakkat angisuut suuppat?
Eqqagassat angisuut tassaapput pigisat atorunnaakkat, soorlu pequtit, madraasit, natersuit, illumi atortukut, fjernsynit, cykkilit, aneerussiviit, qerititsiviit, nillataartitsiviit assigiissaallu.
Udgivet d. 14. august 2025