Isumaqatigiissumik atsioqatigiinnermi Demokraatit tunuliaqutaralugit borgmesterinngortussaq Malene Vahl Rasmussen aamma borgmesterip tullersortissaa Siumumeersoq Anders Olsen isumaqatigiissummut atsiortuupput.
-Ukiut tulliuttut sisamat sulinissatsinnut tunngavissarput peqqissaarluta suliarivarput. Pissaaneqarniuttoqarsimanngilaq suliassarput qitiummat, innuttaasut atugai qitiupput allannguerusunnerallu ataqqineqarpoq. Qilanaarpunga sulilernissatsinnut suliassaqarpugummi imaannanngitsorsuarmik, kisianni tunngavissarput pitsaasoq inissippoq, piareersimavugullu akisussaaffimmik tigusinissatsinnut, Malene Vahl Rasmussen oqarpoq.
Kommunalbestyrelsi nutaaq maajip aallaqqaataani Qaqortumi qinikkat ataatsimiittarfianni ivertinneqassaaq.
Isumaqatigiissut una toorlugu atuarsinnaavat.