Nanortalimmi ilaqutariinnut højskolemi pikkorissaaneq

Nanortalimmi upernaap ingerlanerani ilaqutariinnut højskolemi pikkorissaaneq ingerlanneqassaaq 1. April – 10 April 2025 ilanngullugu.

image

Pikkorissaanissaq ingerlanneqassaaq Ilaqutariit illuanni (Mathiessen-ip Aqq. B265) Ullormullu nalunaaquttap akunnerinik arfineq marlunnik sivisussuseqaartassalluni, tassa nal. 9:00-miit – 16:00-p tungaanut.

Ilaqutariinnut højskolep siunertaraa ilaqutariit piginnaanerinik ineriartortitsineq, qanorlu inoqatinut attaveqartarneq pisarnersoq – minnerunngitsumik inuup nammineq iliuuserisartagai.

Ilaqutariinnut højskolep inuit ataasiakkaat piginnaanerisa ineriartortinnissaat anguniagassaraa, taamaasilluni ajornartorsiutit pitsaanerusumik isumassarsiorfigalugillu ineriartortissavaat.

Ilaqutariinnut højskolernermi Drama aqqutigalugu timip toqqortai misigissutsikkut sakkortuumik nalaataqarsimanermik (trauma) ammarsarneqassapput iliuuseqarnermi aniatitsinikkut taavalu misigissutsit eqqarsaatillu suleqatigiisinnerisigut misigisat oqaasinnguinikkut inississorneqassapput, saniatigut sakkussanik pissarssiffiusumik.

Pikkorissarnermi makkua ilinniartitsissutaassapput:

·       Misigisimasagut, misigisimasat toqqortat imminnut qanoq attuumassuteqarnerat.

·       Eqqarsaatit pingaarutaat ineriartorneranullu tunngatillugu ilisimasat.

·       Siammasinnerusumik ajornartorsiutinut aqutsineq.

·       Aperineq aamma tusarnaarneq kiisalu tarrarsorneq.

·       Inoqatinut attaveqarniartarneq aamma paasineqarneq.

·       Timi atorlugu imminut paasiniarneq, tiguaasinnaanermik misileraaneq, imminut maluginiarnermi tiguartissinnaaneq aammalu timi atorlugu misigissutsinik ammarsaaneq.

·       Killiffik aallavigalugu inuttut ataasiakkaanik katsorsaaneq (individuelterapi).

 

Pikkorissaasuussapput:

Psykoterapeut/familieterapeut Margethe Nielsen aamma

isiginnartitsinermi sungiusaasoq Valeius Nielsen.

Pikkorissarnermut peqataaniaaraanni ulloq qinnuteqarfissaq kingulleq: 27 Marts 2025 nalunaaqutaq 12:00. Nanortalimmi ilaqutariit illuanut saaffiginnikkut qinnuteqartoqassaaq. 15-ileereersimasuniit qummut peqataasinnaaput, inunnut 15-inut inissaqarpoq.

 

Udgivet d. 19. marts 2025