Kommunemut pilersaarummut ilassutissatut siunnersuut nr. 40 akunnittarfimmut angerlarsimaffittut atortulersukkamut immikkoortortami Nanortallip avannaa tungaani illoqarfiup ilaaniittoq kommunalbestyrelse-ip 28.02.2025-mi ataatsimiinerani akuersissutigineqarpoq.
Matumuunalu tamanut tusarniaassutigineqarpoq piffissami 19.03.2025-miit 14.05.2025-mut.
Kommunalbestyrelsip siunissami unnuiffissanik pisariaqartitsineq naapertorniarpaa.
Qaqortumi mittarfiup pissusissamisuuginnartumik malitsigisaanik unnuiffissat pioreersut ilaniarlugit sumiiffik immikkoortinneqarpoq.
Silaannakkut angallannerup annertusinera ilaasullu aqqutaasut amerlassusii pissutigalugit unnuiffissat assigiinngisitaartut pisariaqartinneqarnerulersussaapput.
Kommunemut pilersaarummut Ilassutikkut tassuuna nunaminertat nutaat illoqarfimmut qanittut akunnittarfinnut angerlarsimaffittut atortulersukkanut naapertuutut pilersinneqassapput.
Pilersaarut una toorlugu takusinnaavat.