Borgmesteri Stine Egede ima oqarpoq:
"Tine Parsilu isumaqatigiippugut suleqatigiinnerput atorfinitsitaaffiup naaneranut killeqartoq. Ukiuni kingullerni sisamani suliaqarneq annertooq pikkunartorlu ingerlanneqarpoq, politikkikkullu anguniakkagut amerlasuut anguneqarput. Ukiut kingulliup ingerlanerani kommuni suliffeqarfittut sakkortuumik piumaffigineqarpoq, taamaattumik isumaqatigiippugut nukinnut nutaanut piffissanngortoq, aningaasaqarnermik aqutsinermik patajaatsumik suliaqarnitsinnik kommunillu ineriartortinneqaqqissinnaanissaanik ingerlatitseqqiisussamik".
Tine Pars ima oqarpoq:
"Suleqatikka Kommune Kujallermi innuttaasut politikerillu angusaqarnissaanik ullut tamaasa nersornaqisumik sulilluartut suleqatigalugit nuannarisimaqaara.
Maanna kommunimi aningaasaqarnikkut aqutsineq siuariartorfimmiippoq, nukiillu nutaat ingerlatitseqqiissapput. Piffissap sinnera suliassat pitsaasumik ikaarsaartinnissaat aallutissavara".
Piffissaq qaninneq Kommunaldirektørimik inuttassarsiornissaq ingerlanneqassaaq.