Marlunngunngornermi februaarip aqqarnanni Kommune Kujallermi upalungaarsimanermut nersornaat inunnut pingasunut tunniunneqarpoq.
Nersornaasiineermi 2024-mi aasaanerani alianaqisumik umiatsiamik ajutoortoqarnerani iliuuseqalertornermi inuunermik annaassisimanerat tunngavilersuutaavoq.
-Alianaqisumik umiatsiamik ajutoortoqarnerani inuit pineqartut iliuuseqalertornerisigut ajunaarneq inunnik marlunnik naleqanngilaq, borgmester Stine Egede nersornaasiinermi oqaaseqarnermini ilaatigut taama oqarpoq.
Borgmesterip oqaaseqarnerminut atatillugu 2024-mi Kommune Kujallermi nunattalumi sinnerani imaatigut ajunaarsimasut minutsimik ataatsimik nipaallisimanikkut eqqaaniarneqassasut piumasaraa, eqqaaniaasoqareermallu nersornaatinik tunniussisoqarpoq.
-Ukiormanna Upalungaarsimanermi ataatsimiititaliami aaliangersimavugut Nuka John Olsen, Kuluk Nielsen aamma Carina Olesen qujaffigalugit eqqaamassutissaannik tunissuteqarfigilaassallugit. Pisimasoq alianaqisoq iliuuseqapallannissigut ajornerunissaagalua pinngitsoortikkasiuk qujanaq, Stine Egede oqarpoq.
Kommune Kujallermi upalungaarsimanermut nersornaat 2026-mi tunniunneqaqqissinnaavoq.