Marlunngornermi apriilip aallaqqaataani 2025, nalunaaqqutaq 9:00-imiit 20:00-imut kommunalbestyrelsimut, nunaqarfinni aqutsisunut kiisalu ilagiit sinniisaannut qinersisoqassaaq.

Inatsik atuuttoq tassavoq: Kommunalbestyrelsinut, nunaqarfinni siulersuisunut ilaagiillu sinniisaannut qinersisarnerit pillugit Inatsisartut inatsisaat nr. 27, 28. november 2016-meersoq

Kommunalbestyrelsimut qinigaasussat amerlassusii

•       Kommune Kujallermi kommunalbestyrelsimut ilaasortat 15-it qinerneqassapput.

      Nunaqarfinni aqutsisunut ataatsimoorussanut qinigaasut amerlassusii:

•       Aappilattoq, Narsarmijit aamma Tasiusaq          Ilaasortat pingasut
•         Eqalugaarsuit, Saarloq aamma Qassimiut         Ilaasortat pingasut
•            Ammassivik aamma Alluitsup Paa                     Ilaasortat pingasut
•       Qassiarsuk, Igaliku aamma Narsarsuaq            Ilaasortat pingasut

     Ilagiit sinniisaannut qinigaasussat amerlassusii

     § 70. Sioqqutsisumik Biskoppimut tusarniaasoqareerneratigut oqaluffinni aamma atuarfiutigalutik naalagiartarfinni sorlerni ilagiit sinniisaannut qinersisoqarsinnaanersoq kiisalu ilagiit sinniisaasa tamarmik immikkut ilaasortat amerlassusissaat Naalakkersuisut aaliangissavaat.

Qinigassanngortittut amerlassusii

Partiit avataanni qinigassanngortittut kattusseqatigiillu:

§ 17, imm. 1 naapertorlugu partiit qinigassanngortitsisinnaasut avataasigut qinigassanngortittut nalunaarutigineqarnerat qinersivimmi qinersisartunit qinigassanngortitsisunit ikinnerpaamik qulinit atsiorneqarsimassaaq. Atsiornerit nalunaarummi namminermi taassumaluunniit assilinerani takuneqarsinnaassapput.

Nunaqarfimmi aqutsisunut qinersineq

§ 65 imm. 2 naapertorlugu nunaqarfinnut aqutsisunut qinigassanngortittut nalunaarutigineqarneri kommunalbestyrelsimut qinigassanngortittut nalunaarutigineqarneri assigalugit ingerlanneqartarput. Qinigassanngortittut nalunaarutigineqarnerinut il. il. tunngatillugu malittarisassani §§ 14-21 naapertorlugit assigalugit ingerlanneqassapput.

Ilagiit sinniisaannut qinersineq
§ 74, imm. 3 naapertorlugu qinigassanngortittut tamarmik ikinnerpaamik tallimanik qinigassanngortitsisoqassapput. Inuit, ilagiit sinniisaannut qinersisinnaatitaasut taamaallaat qinigassanngortitsisinnaapput.

Qinigassanngortittut allassimaffiinik tunniussineq

Kommunalbestyrelsimut, nunaqarfinni aqutsisunut kiisalu ilagiit sinniisaannut qinersinermi qinigassanngortittunik nalunaarutiginninnermut immersuiffissat illoqarfinni sullissivinnut nunaqarfiillu allaffiinut tamanut saaffiginninnikkut pissarsiarineqarsinnaapput kiisalu Kommune Kujalliup nittartagaatigut: www.kujalleq.gl

Kommunalbestyrelsimut qinigassanngortittunut
Nalunaarutiginninnermut immersuiffissaq atorlugu qinigassanngortittut nalunaarutigineqassapput. Nalunaarutiginninnerit qinersinermi siulersuisunut kingusinnerpaamik 18. februar 2025 nal.12:00 tunniunneqassapput.

Kommunalbestyrelsimut qinigassanngortittunik immersuiffissaq: 

"KANDIDATANMELDELSE til kommunalbestyrelsesvalget (1)"

Kommunalbestyrelsimut partiit qinigassanngortitaannik immersuiffissaq:
"PARTILISTEANMELDELSE til kommunalbestyrelsesvalget (2)"


Nunaqarfinni aqutsisunut qinigassanngortittunut

Qinigassanngortitunik nalunaarutiginninnerit nunaqarfimmi qinersinermi aqutsisumut

kingusinnerpaamik 18.februar 2025 nal.12:00 tunniunneqassapput.

Nunaqarfinni aqutsisunut qinigassanngortinnermi immersugassaq (3).

Nunaqarfinni aqutsisunut partiit qinigassanngortitaannut immersugassaq aajuk (4).

Ilagiit sinniisaannut qinisaanngortittunut
Ilagiit sinnisaannut qinigassanngortittunut nalunaarutiginninnermut immersuiffissaq atorlugu qinigassanngortittut nalunaarutigineqassapput. Nalunaarut taaguinermi siulersuisumut kingusinnerpaamik marsip sisamaanni 2025, nal. 12:00 tunniunneqarsimassaaq.

Ilagiit sinniisaannut qinigassanngortinnermi immersugassiaq aajuk (5).

Qinersiviit qinersititsisullu

Ullup qinersivissap aalajangerneqarnera 

Kommunalbestyrelsimut, Nunaqarfinni aqutsisunut aamma ilagiit sinniisaannut qinersineq pissaaq apriilip aallaqqaataani 2025, piffissami nal. 9:00-imiit 20:00-imut.

Qinersiviit qinersititsisullu:

Kikkut qinersisinnaatitaappat?

      Kinaluunniit matuma kinguliani taaneqartunik naammassinnittoq qinersisinnaatitaavoq:

• Qinersinissaq sioqqullugu sapaatit akunnerini arfinilinni Kommune Kujallermi aalajangersimasumik najugaqarsimasoq.
• Kinaluunniit ullormi qinersiffiusumi 18-inik ukioqalersimasoq.
• Danskisut innuttaassuseqartoq.
• Qinersineq sioqqullugu sivikinnerpaamik qaammatini arfinilinni Kalaallit Nunaanni aalajangersimasumik najugarsimasoq, imaluunniit sivikinnerpaamik ukiuni pingasuni naalagaaffimmi najugaqarsimasoq qinersinissarlu sioqqullugu sivikinnerpaamik qaammatini arfinilinni Kalaallit Nunaanni aalajangersimasumik najugaqarsimasoq.
• Ilagiinnut qinersisinnnaatitaapput Kalaallit Nunaanni Ilagiinnut ilaasortaasut.

Qinersisinnaanermik atatitsiinnarnissamut qinnuteqarnissamut periarfissaqarputit, matuma kinguliani piumasaqaatigineqartut naammassigukkit:

• Ilinniagaqarlutit Kalaallit Nunaata avataaniikkuit.
• Peqqissusermut tunngasumik pissuteqarlutit Kalaallit Nunaata avataaniikkuit.
• Kalaallit Nunaanni qinigaallutit folketingimi ilaasortaanerit peqqutaalluni Danmarkimiikkuit.
• Namminersorlutik Oqartussanut sinniisuullutit Kalaallit Nunaata avataaniikkuit.
• Kalaallit Nunaata avataaniinnerit siuliani taaneqartunut sanilliunneqarsinnaasunik peqquteqarpat.

Allakkatigut taasineq

Allakkatigut taasineq pillugu nalunaarut una toorlugu atuaruk.

Inussiarnersumik inuulluaqqusilluta

Qinersinermik siulersuisut.