Ukioq manna januaarip naanerani Kommune Kujallermi sulisut pingasut Peqqissaanermik Ilinniarfimmi Nuummiittumi psykoterapeutitut ilinniarneq aallartissavaat.
Kommune Kujallermi sulisut isumaginninnikkut perorsaanermik peqqissusermullu tunngasumik suliaqartuupput ilinniarsimasuullutillu, maannalu ukiuni sisamani ilinniarnikkut piginnaasaat qaffassassapput.
-Piginnaasarineqalertussat meeqqanit ilaqutariinnillu pingaarnertut iluaqutaassapput, erinisuppungalu Kommune Kujallermi innuttaasunut annertunerusumik sullissinermi neqeroorsinnaalernissatsinnut, Nielsine Petersen ingerlatsivimmi pisortaq oqarpoq.
Ilinniarnermi katsorsaalluni oqaloqatiginnissinnaanermik, nunarsuarmut paasinnittaaseqalernissaq takunnissinnaalernissaq, pissaaneq, eqqarsartaasilerineq, ineriartorneq attuumassuteqarnerlu, timi sakkortuumillu nalaataqarsimanermi kingunerluutit, ilaqutariinnik katsorsaaneq kiisalu meeqqat katsorsarneqarnerat ilaatigut sammineqassapput.