Arfininngornermi decemberip ulluisa 14-ianni Qaqortumi meeqqat timersortarfiup orpia nuannaarlutik kaavippaat. Meeqqat 130-it missaat takkupput juullisiutinillu tussiarluaqalutik.
Tasersuup atuarfiani 5. klassit juullisiutinik assigiinngitsunik tussiarlutik takutitsipput, kiisalu sukisaarsaartarfimmi Kaassassummiittartut kikkunnut tamanut kaageeraliorsimapput.
Meeqqat arfininngorneq taanna juullimut qiortaapput, æbleskivetorlutik kaageerartorlutillu, Nissiarannguujummit oqaluttuarfigineqarlutik, Santa Luciarlutik, orpiliarliutik, nissimaannguaq erinarsorfigalugu takkutsillugu.
-Kulturilerisut sunngiffilerisullu, pinaveersaartitsisut kiisalu Qaqortumi katersugaasivik sinnerlugu aaqqissuussinermut aningaasatigut tapersersuisut tamaasa qutsaviginiarpavut, aamma qutsaviginiarpavut K33-mi U11-it, unammisartut angajoqqaallu ikiuunnerat pillugu, pinaveersaartitsinermut siunnersorti Najaaraq Jakobsen, aaqqissueqataasoq oqaluttuarpoq.
Aaqqissuussineq Brugsenimit taperserneqarpoq, taanna sutugassaqartitsilluarpoq kiisalu timersortarfik aaqqissuussinissamut periarfissiisuulluni.