Meerarpassuit akerliussutsimik takutitsinermut peqataasut nipikigatik ”Atuarfipput oqoppoq”-mik nillianerat ingerlaaqatigiittuni tusarsaavoq.
Akerliussutsimik takutitsisut kommunip allaffiata silataani katersuussimasut kommunalbestyrelsimi ilaasortanit Kim Ezekiassenimit, Anders Olsenimit aamma Pipaluk Jakobsen Larsenimit naapinneqarput.
-Meerartagut peqqinnartumik ineriartorfissaminik avatangiiseqarlutik atuarfeqarnissaat pingaartorujussuuvoq. Ullumikkumut atuarfiup initaani oqoqarfiusutut paasineqartut suliarineqartarput, taamaakkaluartoq suli pitsanngoriartitsinngitsut oqariartuutissinni takusinnaavakka atuarlugillu. Borgmesteri peqatigalugu oqariartuutigerusupparput neriuutigalugulu ukiuni aggersuni piaartumik iliuusissaq pitsaasoq angussagipput, Pipaluk Jakobsen Larsen akerliussutsimik takutitsisunut oqaaseqarnermini ilaatigut taama oqarpoq.
Sisamanngornermi decemberip aqqaneq aappaanni ullaap tungaani Nanortalimmi akerliussutsimik takutitsisoqarpoq.