Borgmesterip innuttaasunut ataatsimiisitsinerani, Qaqortumi utoqqarnut innissiat Alanngunnguami inissisimasut oqoqarnerarlugit innuttaasut ilaat saqqummiussaqarpoq, taama saqqummiisoqarnera borgmesterimut nutaarsiassaavoq, taamaattoqarneranillu ilisimatinneqarnikuunnginnami paasiniaassalluni neriorsuivoq.
-Alanngunnguami utoqqarnut inissiat oqoqarnerarneqarmata siornatigullu tamanna pillugu ilisimatinneqarsimannginnama paatsuungavunga. Taamaattumik tamanna paasiniassallugu neriorsuuteqarpunga, maannalu paasitinneqarsimalerpunga utoqqarnut inissiaatitta Alanngunnguami inissisimasut oqummik eqqugaasimanngitsut, saaffiginnittoqarnikuusimanngilarmi suliakkiisoqarluniluunniit, Stine Egede nassuiaavoq.
Pingasunngornermi decembarip 11-anni borgmester Stine Egede Qaqortumi innuttaasunut ataatsimiisitsivoq.