Tallimanngorneq oktobarip 25.iat Narsami pitsaaliuinermi sulisut Narsap timersortafiani Halloweenertitsipput.
-Ulloq 25. oktober 2024 tassaavoq Narsami pitsaaliuisuniit ulluliineqarsimasoq Halloween-mut, tungaanulli ulloq qanillivallaartinnagu piareersarfigalugu aallartippugut suleqatissarsiorluta, qujanartumilli tapersersuisut suleqataarusuttullu arlaqarmata. Narsami pitsaaliuinermi ssiunnersorti Nivi Stidsen taama oqarpoq.
Meeqqat Narsap atuarfianni atuartut suleqataasimapput. Atuartut paasiniaallutik angalanissaminnik katersuiniarlutik sammisassaqartitsisimapput.
Unnup ingerlanerani qitittoqarpoq, timersortarfiullu isaariaani aliortukkap inaa inissiinneqarluni, iluani isaasunut ersisaarisoqarluni, pinnguaatit assigiingitsut eqqugassartallit ingerlanneqarput, aammalu Peter Larsen tupaallatsitsilluni mitaarluni aliikkusersuivoq qilaatersorluni isersimasunut.
Brugseni Narsaq aaqqissuusaq tapersersorlugu nioqqutissanik Halloween-erpaluttunik tunisisimapput kusassaatinik ersisaarutaasinnaasut amerlasuunik, eqqugassanik pilerinartunik, kiisalu kaageeqqanik. Kuukasik Narsaq, tassaasoq neriniartarfik aamma tunniissivoq ilaqutariinut eqqugassamik gavekort nereqatigiinissamut. Kiosk Sumik ll halloween-erpaluttunik kusassaatinik aamma tunniussilluni.
Una aaqqissuusaq tamanoortuuvoq, tassa 0-miit qummut ukiulinnut.
Halloween ukioq 2024 aaqqissorneqarpoq Narsami pitsaaliuisuniit, suleqatigalugit Narsap atuarfianni atuartut paasiniaallutik angalasussat angajoqqaavi, inuusuttunut siunnersorti, Narsap timersortarfia aamma Narsami Kultoorilerisut sunngiffimmilu sammisaqartitsisartut.