Saqqummersitsineq aaqqissuunneqartoq sumiiffimmi ataasiinnarmi saqqummersitsiviussanngilaq, assimmi illoqarfiup iluani sumiiffinni assigiinngitsuni takusarneqarsinnaassapput.
-Oktobarip 31-anni nunarsuaq tamakkerlugu FN-p illoqarfinnut ullorititaanut atatillugu Qaqortumi pisuttuartitsiniassutitut assitoqqanik saqqummersititsilerpugut, sumiiffiit assigiinngitsut assitoqqanik ikkussiffigineqassapput takuneqarsinnaassaarlu taamanimiit ullumikkumut isikkiviup qanoq allanngorsimatiginera, neriuppunga saqqummersitsineq tigulluarneqarumaartoq, Kommune Kujallermi Qaqortumi pitsaaliuinermik immikkoortortaqarfik sinnerlugu Laila Motzfeldt oqaluttuarpoq.
Assinik saqqummersitsineq oktobarip 16-ianni aallartippoq, illoqarfiullu iluani assinik saqqummersitsiviusuni assit sumiiffinni assigiinngitsuni sumi takuneqarsinnaanerat takusassiarineqarnikuuvoq.
Pitsaaliuinermi immikkoortortaqarfimmiit saqqummersitsinissamut Siu-Tsiu suleqatigineqarpoq.