Ataasinngornermi septembarip 23-anni inuit 20-25 missaat atuakkanik atorniartarfimmi alakkaasimapput, skakimi unammisoqarnera isiginnaariarlugu.
Skakkimik unamminermi Islandimiit skakkimi mesteriusup Bjorn Thorffinnssonip inuit arfinillit ataatsikkut unammivai. Kingornalu pulaartut unammeqatigillattaarlugit skakimi misilittakkani oqaluttuarai.
-Isersimasut misigisartik nuannareqaat, namminneerlutillu skakimik misilitakkatik oqaluttuaralugit. Qaqortumi Atuakkanik atorniartarfimmi aqutsisoq, Mike Kleist Andernsen taamak oqarpoq.
Qaqortumi Atuakkanik atorniartarfimmi Skak klubbi pingasunngornerit tamaasa nalunaaqutaq sisamaniit arfernup tungaanut tamanut skakkertitsisarpoq.