Nanortalimmi nunaqarfittaanilu allaffissornermut pisortatut atorfik qaammatip aappaa affaq inuttassarsiorneqareersorlu inuit arfineq-pingasut qinnuteqartut akornanni atorfinittoqartussanngorpoq.
-Atorfimmut inuttassarsiuinitsinni piukkunnaateqarluartunik qinnuteqartoqarnikuuvoq, taakkunanngalu akisussaaffimmik annertuumik kivitsisinnaasumik, suliassamullu tulluartumik inuttaliinitsinni Esther Frederiksen atorfinittussanngorpoq. Estherip atorfininnerani suleqatigilluarnissaanut sulilluarnissaanullu neriuuteqarluarpunga, Kommune Kujallermi allattoqarfimmi pisortaq Max Heilmann Larsen oqarpoq.
Nanortalimmi nunaqarfittaanilu allaffissornermut pisortatut atorfik 2021-mi septembarip aallaqaataa aallarnerfigalugu atorfittut nutaatut pilersinneqarpoq.
Allaffimmi pisortanngortup Kommunimi pisortaanerit suleqatigalugit, politikkikkut suliniutit suliassallu atuuttut qulakkeerlugit Nanortalimmi nunaqarfittaanullu sullississaaq.