Pingasunngornermi septembarip aqqarnanni Narsami ilaqutariit illuanni aamma utoqqaat illuanni sulisut suleqatigiillutik aaqqissugaannik inuusuttut utoqqaallu Narsap avataani angallammik angalaaqatigiipput.
-Angalaaqatigiinneq inuusttunik utoqqarniillu nuannisarfiulluarpoq. Inuusuttuaqqat utoqqarnik kammattaarput, ilaalu utoqqaat illuanut pulaartalernissamik isumaqatigiissuteqarput. Angalaarnitsinni tamatta illaqattaarpugut, oqaluttuartunik tusarnaarpugut, nipilersortut appikkaangata ingiortarpagut ilaalu qitittarlutik pipput, Narsami Ilaqutariit illuanni inuusuttunut siunnersorti Oline Isaksen taama oqaluttuarpoq.
Utoqqaat inuusuttullu naapitinnerat siulleq iluatsilluarmat suleqatigiit akunnerminni qaammammut ataasiarlutik aaqqissuusisarnissartik isumaqatigissutigivaat.