Ulloq aallartipparput katersortarfimmi, S2A atuarfimmeersut utoqqaat isernissaannut pinnersaajartorlutik, tunissuteqarlutillu namminneq assassugaminnik. Utoqqaat illuanniit pisuttuarlutik katersortarfiliarput.
Utoqqaat katersortarfimmut iseramik tikilluaqquneqarput naatitartuullutik, kaffe, tii tamulugassanillu sassaalliivigineqarlutik, sammisaqartinneqarlutillu nerinnginnerminni. Nerinerup nalaani eqqissiivillutik nerripput. Nall. 12.30 meeqqerivimmiut aggerput aamma nammineq sanaaminnik tunisipput utoqqaallu erinarsorfigalugit. Utoqqaat imminnut aliikkusersorput, illartarlutillu pipput nuannisarput, qujarrallutik pipput.
-Sulileramali aatsaat taama qujaniartut amerlatigipput aaqqissuusamut nuannersumut. Utoqqaat susassaqartitsisua suleqatigiuminaqaaq pikkorittorujussuuvoq, qujanaqaaq aamma taanna ilaagami. Pitsaaliuinermi immikkoortortami aqutsisoq Gunnar Frederiksen taama oqarpoq.