Isumaginninnermut Aqutsisoqarfiup Siunnersuinermut Immikkoortortaqarfia Kujataani isumaginninnermi sullissisunik pikkorissaassaaq.
Kommune Kujallermi Isumaginnittoqarfiup meeqqanik sullissisut aqutsisullu tamaasa pikkorissarnermut piareersimatissavai.
Tassani oqartussat atuuttut meqqanik inissiinermi suliassanut pikkorinnerulernissamut sakkussanik pissarsiaqassapput.
Qaqortumi pikkorissarnerit
Pikkorissarneq ullunik tallimanik sivisussuseqassaaq kiisalu Qaqortumi Nanortalimmilu sullissisunut sapaatit akunneranni 40-imi ingerlanneqassalluni, taavalu Narsami sullissisunut kingusinnerusukkut sapaatit akunneranni 44-imi ingerlanneqassalluni. Pikkorissarneq Qaqortumi ingerlanneqassaaq.
-Isumaginninnermut aqutsisoqarfik pikkorissaaneq pillugu neqeroorfigivaatigut, kujataanilu isumaginnittoqarfimmi meeqqanut ilaqutariinnullu sullissisut tamakkiusumik peqatigalugit pikkorissaaneq ingerlanneqarumaarpoq. Qaqortumiit Nanortalimmiillu sapaat akunnera 40-mi pikkorissarumaarput, kingorna Narsamiit sapaatip akunnera 44 pikkorissarumaarlutik. Pikkorissaqatigiissapput qulequtaralugu ”Angerlarsimaffiup avataanut inissiisarnermik suliaqartarnermut pikkorissaaneq” Kommune Kujallermi Inunnut Isumaginninnermi Ingerlatsivimmi pisortaq, Nielsine Petersen taama oqarpoq
Pikkorissartunit ilaatigut sammineqartussat tassaapput pinaveersaartitsineq periaatsillu, pissaanermik atuineq kiisalu pinartumik inissiinerit, taavalu inisseeriaatsit assigiinngitsut.
Pikkorissartuttaaq inissiinerup kingornagut najortigiinnerit pulaartitsinerillu isumaginineqarnissaannik suliaqassapput.
Pikkorissaanerup naggataani aqutsisut suleriaatsinik misissuissapput. Tassanissaaq periutsit pingaarnerit sammissavaat, soorlu inissiinerit pillugit isumaqatigiissutit, inissiinernik aaqqissugaasumik malitseqartitsisarnerit, pinartoqalernissaanut pilersaarutit kiisalu illoqarfinni nunaqarfinnilu qanitaani aqutsisut akornanni oqaloqatigiinnerit.