KTI kiisalu Nordværket Qaqortumut tikillutik eqqagassat ulorianartut qanoq suliarineqartarneri pillugit pikkorissaasimapput.
-Kommunip eqqakkanik tigooraaviini sulisut Qaqortumi pikkorissarneqarnerminni eqqagassat ulorianartut qanoq suliarissanerlugit ilinniarpaat. Pikkorissaanerup nalaani pikkorissaassuniit kommunimi sulisut pimoorussillutik ilikkarusussuseqarnerat maluginiarneqarluni nersualaarinnissutaavoq, Kommune Kujallermi Avatangiisinut ingeniøri, Asger Bahnsen Nielsen taama oqarpoq.
Pikkorissaaneq septembarip pingajuanniit tallimaat tungaanut ingerlavoq, Qaqortumiit, Narsamiit, Nanortalimmiit, Aappilattumiit, Narsarmijiniit, Ammassivimmiit, Alluitsup Paaniit, Saarlumiit, Eqalugaarsunniit, Qassimiuniillu peqataaffigineqarluni.