Kommune upernaarli kommunip immikkortaqarfiini aningaasartuutit annikillisarniarlugit assigiinngitsunik suliniuteqarsimavoq. Atuinermik unikaallatitsiniarneq naammaginartumik sunniuteqarsimanngimmat ukiup sinnerani atorfinititsinerit unitsinneqarallarnissaat kiisalu pisiniarnerit kommunimi suliassanut inatsisitigut piumasaqaataasunut attuumassuteqanngitsuusut unitsinneqarnissaat aalajangiunneqarpoq.
Atorfiit inatsisitigut piumasaqaatitallit assersuutigalugu ilinniartitsisut aamma meeqqerivinni paaqqutarinnittarfinnilu sulisut atorfinititsinneqarsinnaapput.
Borgmesteri Stine Egede ima oqarpoq: - 2024-imi ilimagineqartutut naatsorsuutit takutippaat annertuumik atuinerusoqarsimasoq, taamaattumik taama suliniuteqartoqaqqinnissaa pisariaqarsimavoq. Kommune angalanernut, pisiniarnernut sulisoqarnikkullu sukaterisareersimavoq, taamaakkaluartorli sukaterisoqaqqinnissaa pisariaqartinneqartoq paasinarsivoq.