Inerisaanermut Ingerlatsivik meeqqeriviit pisariaqartissimasaannik akisussaaffeqartussamik atorfimmik pilersitsisimavoq.
-Marsimili eqqarsaatigilerparput suliffik nutaaq pilersikkusullugu, apriilimi Aningaasaqarnermut Ataatsimiititaliap akueraa, kingorna inuttassarsiorlugu aallartipparput aggustillu 12-ianni sulilertoqarluni. Kommune Kujallermi meeqqeriveqarnermut pisortaq, Rita Thomsen taama oqarpoq.
Aqqissuussineq nutaaq Qaqortumi meeqqerivinni annikinnerusumik aningaasartuuteqartitsisussaavoq aammattaaq meeqqerivinni sulisunut nukissaqartitsinerujumaarluni.
-Nivanneq, eqqakkanik isumaginninneq, meeqeriviit iluanni suliassat avataaniit suliarineqartarsimapput, annertuumik uagutsinnut aningaasartuuteqartitsisimavoq meeqqanullu nukiit atugassaagaluit allamut atorneqartarnikuummata maannakkut aalajangersimasumik sulisoqarnera meeqqerivinni sulisunut oqilisaataangaatsiarpoq. Rita Thomsen nassuiaavoq.
Pedeli nutaaq Hans Jakob Petersen, sapaatit akunnerit marluk siulliit sulinermini ulapillualereersimavoq.
-Meeqqerivimmi sulisut iluaqutigerpaseqaat. Suliassaqarpat sianeriaannaallutik nalunnginnamikku iluaallaatigerpasippaat. Qaqortumi meeqqerivinni pedeli nutaaq, Hans Jakob Petersen taama oqarpoq.
Meeqqeriviit Tunguusaq, Inneriilat, Aqqalu aamma Angaju maannakkut tamalanik suliaqarsinnaasoq nutaaq iluaqutigalugu oqinnerusumik assigiinngitsunik iluarsaasisinnaalerput.