Naalagaaffiit Peqatigiit anguniagaanni inuusuttut peqataanissaannut pingaassusaa naqqinniarlugu ulloq aggustip 12.iat inuusuttunut ulloritinneqarpoq. Ulloq atorluarlugu aasaq manna Narsami inuusuttunut susassaqartitsipput.
- Uagut ullua nikisinnikuuarput tallimanngorneq 16-nngorlugu arfininngornerup tungaanut, inuusuttut atuartussaaneri innarlerusunnagit. Narsami pitsaaliuinermi siunnersorti Nivi Stidsen taama oqarpoq.
Inuusuttut sulisullu Narsap iluani ikumaartitsisimapput tamulugassartuussimallutillu. Inuusuttut namminneerlutik imullugu iffiukkanik sanasimapput, skumfidusinik kissaasimallutik, nipilersuutinillu appisimaarsimallutillu oqaluttuuttaassimapput.
-Inuusuttunut pinngortitamiinissaq, ikioqatigiineq, ataatsimuualaarnerlu imigassartaqanngitsumik nuannisaqatigiineq pingaartipparput, tamannalu unnuk taana iluatsilluarpoq. Nivi Stidsen taama nassuiaavoq.
Narsami inuusuttunut susassaqartitsisartut, tassaasut pitsaaliuinermi immikkoortortaqarfik, kultoori sunngiffimmilu immikkoortortaqarfik kiisalu katergusaasivimmi sulisut. Taakku annertusaartariaqarnatik isumassarsiorsimapput.
- Eqqartueqatigiippugut Inuusuttut ulluani sulerititsisinnaanerluta, tupiit, sinngu puui, allequttat assigiingitsillu pigereeratsigu aasaq qaangiutinnginnerani atorluarusullugit taamak aaliangerpugut. Nivi Steidsen taama naggasiivoq.