Sisamanngornermi aggustip 15-ianni ullaap tungaani meeqqerivissamik sanaartorfissaq meeqqanik peqataaffigineqartumik nivariaqqaarfigineqarnerani borgmesterip tullersortaa najuuppoq.
-Nuannarutigaara ukiorpassuarni amigaatigineqarsimasoq kiisami piviusunngulermat, meeqqat angajoqqaallu pilluaritsi. Nivariaqqaarnermi viceborgmesteritut najuussinnaanera nuannaarutigaara, kommunalbestyrelsimi aaliangikkat ilaat piviusunngortussanngortoq isigalugu tulluusimaarnarpoq. Qanortoq aamma sanaartortoqarnerani sanaartorfiusoq innuttaasunik paarilluarneqarili, borgmesterip tullersortaa Pipaluk Jakobsen Larsen nivariaqqaartoqarnerani ilaatigut taama oqaaseqarpoq.
Meeqqerivittaassamik sanaartorfissaq nivariaqqaartoqarnerani sanaartorneqarluni aallartittussanngortoq 2026-mi naammassineqarnissaa pilersaarutaavoq.
-Meeqqerivittaassamik sanaartortitsinissatsinni isumaqatigiissutigineqartut malillugit ukiuni pingasuni sanaartortoqarnissaa pilersaarutaavoq, meeqqerivissallu sanaartorlugu 2026-mi naammassineqarnissaa naatsorsuutigaarput, Avatangiisinut Ingerlatsivimmi sanaartornermut pisortaq Josef kreutzmann oqarpoq.
Nanortalimmi inissiap B-1216-p toqqavikuani meeqqerittaassap inissaani nivariaqqaartoqarpoq, meeqqerivissaq meeraaqqeriviullunilu meeqqeriviusussaq meeqqanut 64-nut inissaqartitissaaq.