Kalaallit Nunaannut Ataatsimiititaliap nunatta kujasinnerusuani paasisassarsiornermini suliffeqarfiit sumiiffimmilu innuttaasut qanimut naapissavai.
-Ataatsimmiititaliap Kujataani inuussutissarsiutinik ineriartortitsineq, ilinniartitaaneq kiisalu inuuniarneq angalanermini paasisaqarfiginerorusuppai. Aammattaaq najukkami qinikkat, inuussutissarsiutinik ingerlataqartut ilinniartullu naapikkusullugit. Ataatsimiititaliap angalanissamut pilersaarutaa nittartaagaani takuneqarsinnaavoq.
Kalaallit Nunaannut Ataatsimiititaliaq Folketingimi ataatsitiimitaliaavoq pingaarnertut inatsisitigut aalajangiisarnernilu siunnersuusiortartoq, Namminersorlutik Oqartussanit tiguneqanngitsunik. Ilaasortat uani takukkit.
Ataatsimiititaliap paasissarsiornermini tikitassai
Narsami eqqaanilu atuarfimmut nutaamut, Inuilimmut, Neqi A/S-imut Qajaq Brewerymullu alakkaassaaq.
Qaqortumi eqqaanilu mittarfissamut, Innovation South Greenlandimut, Food Labimut, isertitsivimmut, Camput Kujallermut Great Greenlandimullu alakkaassaaq.
Nanortalimmi eqqaanilu aalisakkerivimmut, peqqissaavimmut, katersugaasivimmut, Tasiusap atuarfianut Tasiusamilu nunaqarfinnik aqutsisunut, Nalunami kuultisiorfimmut alakkaassaaq.
Upernaviarsummi nunalerinermi misileraavimmut savaatilinngorniallu ilinniarfiannut alakkaassaaq.
Naggataatigut Igalikumi atortunik katiterilluni nukissiorfimmut alakkaassaaq.
Qaqortumi kaffillerneq
Aggustip 29-anni sisamanngornermi Qaqortup katersortarfiani nal.16:00-18:00 Kalaallit Nunaannut Ataatsimiititaliaq kaffillissaaq. Kikkulluunnit tikilluaqqusaapput.
- Neriuppugut aqagu kaffillernissaannut inuit aggialluarumaartut. Kommune Kujallermi borgmesteri Stine Egede oqarpoq.