Helene, aggustip aallaqqaataani 1984-imili meeqqanik paaqqinnittarfinni kujataani sulilersimavoq. Ullumikkut naggataamik sulivoq, suleqataalu meeraaqqerivimmi Vivi-mi, narsami, persuarsiutigaat.
-Eqqaamavara Helene taamanikkut 80-sikkut aallartilaartoq sulilermat. Assigiinngitsuni meeqqeriveqarfinni sulinikuuvoq taamanili. Perorsaasoq Vivi-milu pisortaagallartoq Charlotte Frederiksen taama oqarpoq.
Helene taama sivisutigisumik ingerlalluartigisumillu sulisimanera suleqataasa nersorniarlugu ulloq malunnartippaat, tamaasilluni nersornaammik tunineqarpoq, meeqqat salliullugit suliuarsimammat.
Ullumikkut suliffimmini naggataarluni sulereeruni, Helene Petersen soraaninngussaaq.