Atuariartortut angerlarsimaffiata atuarfiup tunuaniittup oqummik eqqugaanikuunera peqqutigalugu, maanna Blok H attartorneqalerpoq.
Atuariartortut angerlarsimaffiani najugaqartussat ulluni makkunani tikerarput, blok H-milu najugaqarumaarlutik.
Qaqortumi atuariartortut angerlarsimaffianiittarput Qaqortup Narsallu nunaqarfiini savaateqarfinnilu atuartut illoqarfiup atuarfiani atuartussat.
Nunaqarfinni savaateqarfinnilu atuartut 9.-10.klassinngoraangata pinngitsooratik illoqarfimmi atuartussaapput. 9.klassi sioqqullugu illoqarfimmut atuariartorsinnaanerat periarfissaqarpoq atuariartortut angerlarsimaffiini Qaqortumi Nanortalimmilu inissaqaraangata.