Ukiut pingasut matuma siorna 2021-mi Tasersuup Atuarfia Maligassiuisunit atuartunik aalatitsilluarsimanera pillugu nersornaasitinneqarpoq, nersornaatillu aningaasartai atorlugit maanna arsaattarfeeraq suliarineqarsimalerpoq.
-Aningaasat pissarsiarineqartut sumut atorneqarnissat pillugu atuartut sinniisaannut isumasiorneqarput, kingornalu ilinniartitsisut suleqatigiisitaasa aalajangerpaat anitsiartarfimmi meeqqat sammisassaannut atorneqassasut. Taamaalilluni arsaattarfeerartaartoqarpoq, tamatuma saniatugut piffissami aggersumi eqaarsartarfimmi meeqqat qallortarfissaat ikkussuunneqassaaq, anginerillu arsaattarfiat målilerneqassalluni, Tasersuup Atuarfiata sinnerlugu, Simon Simonsen oqarpoq.
Maligassiusinit akissarsiat saniatigut NunaFond aamma atuarfiup Skolefondia aningaasaleeqataapput.
-Aningaasaleeqataasunut qujamasuppugut, atuartummi peqqinnartumik sammisaqarsinnaanngornerannut aqutissiueqataanerat qujanaqaaq, minnerunngitsumillu ilinniartitsisunut suliniutit piviusunngornissaannut suleqatigisannut qujanaq, Simon Simonsen qujamassulluni oqarpoq.