Teknikkimut Avatangiisinullu Ingerlatsivik neqeroorutigineqartut akornanni toqqaanissamut tamanilluunniit itigartitsinissamut imminut pisinnaatippoq.
Nanortalimmi pujoorfiit mikisut 446 missaanniittut angisuullu 28 missaanniittut suliassamut ilaapput. Pujoorfiit mikisut ukiumut marloriarluni angisuullu ukiumut sisamariarlutik paaviarneqartassapput, taamalu ukiumut paaviaanerit 1004-iusassallutik.
Suliassami atuuttut:
1. Neqeroortitsineq pillugu allakkiaq manna
2. Suliassat pillugit isumaqatigiissut ukiuni pingasuni atuutilerfimminniit atuutissaaq.
3. Aki aalajangersimasuuvoq (pujoorfimmut ataatsimut)
4. Paaviakkat suliarineqarsimasut / akuerisat allassimaffiat naapertorlugu qaammammut kingumoortumik akiliisoqartassaaq.
5. Suliassamut sillimmasiissut suliassap tamarmi 10%-iani annertussuseqassaaq, taavalu aningaaserivikkoorlugu imaluunniit attaaserlugu sillimmasiunneqarsinnaalluni.
Pujoorfiit mikisut
Pujoorfittut mikisutut paasineqassappput pujoorfiit qanorluunniit ittut, inneqarfimmit ataatsimit arlalinnilluunniit aniaffigineqartut, katillutik annerpaamik 120 kW-imik kissarneqartunit
Pujoorfiit angisuut
Pujoorfittut angisuutut paasineqassapput pujoorfiit qanorluunniit ittut, inneqarfimmit ataatsimit arlalinnilluunniit aniaffigineqartut, katillutik 120 kW sinnerlugu kissarneqartunit.
Piffissamut pilersaarut
Nalornissutinik apeqquteqarnissamut killigititaq: 7/8 - 2024
Suliariumannittussarsiorneq: 14/8 - 2024
Suliat upernaakkut ukiakullu piffissani ataqatigiissuni ingerlanneqartarnissaat naatsorsuutigineqarpoq, tassa pujoorfinni ”mikisuni” paaviaanerit ataasiakkaat ukiup affaanik akuttussuseqartassallutik, kiisalu ”angisuuni” paaviaanerit qaammatinik pingasunik akuttussuseqartassallutik.
Nalornissutit allakkatigut Qaqortumi Teknikkimut Avatangiisinullu Ingerlatsivimmut saaffiginnissutigineqassapput, att.: Asger Bahnsen Nielsen (e-mail: teknik@kujalleq.gl )
Paasissutissat eqqortuussusiinik uppernarsaaneq
Neqerooruteqartoq Pisortanut akiitsut akilersinniarneqartarnerat pinaveersaartinneqarnissaallu pillugit Inatsisartut inatsisaanni § 7 naapertorlugu pisortanut akiitsut pillugit paasissutissat eqqortussusiinik uppernarsaassaaq.
Uppernarsaalluni atsiorfissaq neqerooruteqarfissat allassimaffiannut ilanngussaavoq.
Uppernarsaat atsiorneqartoq aatsaat oqartussaniit akuerineqareerpat neqeroorut akuerineqassaaq.
Neqeroorut
Neqeroorut ataasinngorlugu tunniunneqassaaq neqerooruteqarfissami matumunnga ilanngunneqartumi allakkallu puuannut matoqqasumut ikillugu uunga tunniunneqassalluni:
Kommune Kujallsg
Teknikkeqarnermut Avatangiisinullu ingerlatsivik Nanortalik
Postboks 166
3922 NANORTALIK
Ilisarnaaserlugu “Nanortalimmi paaviaaneq pillugu neqeroorut:
Kommune Kujallermi Teknikkimut Avatangiisinullu Ingerlatsivimmi, Mathiesenip aqq B-1060, 3922 Nanortalik ulloq ulloq 14/8-2024 nal. 14.00, neqerooruteqarsimasut peqataarusuttut najuuttoralugit neqeroorutit ammarneqassapput.
Soqutiginnittut neqerooruteqartitsinermi atortussanik sukumiinerusunik tunineqarsinnaapput Nanortalimmi Qaqortummiluunniit teknikkeqarfinnut saaffiginnikkunik imaluunniit Qaqortumi Teknikkeqarfimmut qarasaasiakkut saaffiginnikkunik uunga: Asger Bahnsen Nielsen (e-mail: teknik@kujalleq.gl )