Nanortalimmi Majoriami atuagarsornertaqanngitsumik ilinniartut ”sanasuaqqat”, juunip qaammataani tummeeqqat klubbikumiittut utoqqaat ornittagaannut nuutaat, maanna atorluarneqarput.
-Sanasuaqqat illoqarfitta iluani taamatut suliaqarnernertik nuannarisorujussuaat, suliarinerannimi nuannisarnermik soraarfissaminni soraarusuttanngikkaluarput. Suliap naammassilluarnerani utoqqarnit nersualaarneqartarneranni kiinaasa nuannaarnerat tulluusimaarnerallu takusinnaallugu nuanneqaaq, Jakob Eliassen, Nanortalimmi Majoriami sanasuaqqat ilinniartitsisuat oqaluttuarpoq.
Tummeeqqat atorneqaratik uninngaanartut atorneqarsinnaanngorlutik nuunneqarnissaannut isumassarsisuuvoq kommunimi borgmesteri Stine Egede, isumassarsisutullu naammassinera qujamasuutigaa.
-Nuannaarutigaara isumassarsiara tigulluarneqarluni ikioqatigiinnikkut suliaripallanneqarmat. Taamaalilluni tummeeqqat uninngaannartut utoqqarnit atoruarneqalerput, qutsannaqaallu. Sanasuaqqat suliaannut kusanartumut qutsavigingaarpakka, borgmester Stine Egede oqarpoq.