Issiaviit bænkit tallimat Alluitsup Paani atorneqarsinnaanngorlugit nunaqarfimmi iliorarneqarsimalereersut, bænkit pingasut Ammassivimmut assartuunneqartussanngorput.
-Alluitsup Paani Ammassivimmilu nunaqarfimmi bænkit nutaanngilisimaqimmata Nunaqarfimmi aqutsisuni aaliangersimavugut nutaanik bænkilersuisoqassasoq. Taamaalilluta innuttaasut issiaarfigisinnaasaannik qasuersaarlutilluunniit ingiffigisinnaasaannik nunaqarfitsinni periarfissiilluta, Alluitsup Paani Ammassivimmilu Nunaqarfini aqutsisut siulittaasuat Anna Kleist Karolussen oqarpoq.
Alluitsup Paani bænkit maanna atorneqarsinnaanngoreerput, silapilulinngippallu bænkit Ammassivimmukaanneqartussat sapaatip akunnerata naanerani assartorneqassapput.
Aappilattumi, Tasiusami aamma Narsamijini bænkinik issilaviliisoqarnissaa aamma pilersaarutaavoq.