Qaqortumi K-1933-mi isikkamik arsartartut nivissat, U18-t pissartanngorniullutik unammisaqattaarneranni bronzennannerat malunnartinniarlugu borgmesteri ujaminnassimasunut qaaqqusivoq.
-Tulluusimaarnartuaannarpoq kommunerput sinnerlugu takutitilluartoqartillugu, soorlu nivissat U18-it futsalimi pissartanngorniunnermi angusarissaarlutik bonzennannerat aamma tulluusimaarutaasoq, tulluusimaarutigingaarparalu ilissiugassi futsalimi niviarsiaqqani siullerpaallusi K-1933 sinnerlugu ujamminik angerlaassisut. Nivissat, naak ilaat ukiukitsunnguugaluarlutik, piginnaasaqarlualereersut unammersuarnermi maluginiarneqarluarput, taamaakkami siunissamut timersuummik nuannarisaminnik siunissami aallussiinnarnissaannik angusarissaarluartarnissaannillu kissaappakka, qujallungalu sungiusaasut qasusuillutik ingerlatseqataasarmata minnerunngitsumik angajoqqaat ilaquttallu tapersersuiuarnissinnut qujanaq, borgmesteri Stine Egede oqarpoq.
U18-it futsalimi pissartanngorniunneranni K-1933-miit arsartut immikkut maluginiarneqartut arlaqarput. Iligiinninngaanniimmi unammersuarnermi ukiup iligiivinut ilannguttoqarpoq, tamatumalu saniatigut ukiup målmandia, akiuulluarnerpaaq kiisalu arsalerillammak K-1933-meersut aamma akissarsissutigaat. Unammisaqattaarnernilu arsarluarnerpaartaqartarlutik.
Ataasinngornermi juunip 17-ianni nivissat ujaminnassimasut Qaqortumi qinikkat ataatsimiittarfianni borgmesterimit ataatsimooqatigineqarput.