Kommune Kujalleq Qaqortumi Narsamilu sumiiffinni arlalinni pigisanik inuttaqanngitsututut isigineqartunik assigiinngitsunik nalunaarsuisimavoq. Kommunip nittartagaani assitigut uppernarsaatit nalunaaqqutserneqarsimasullu takukkit aamma Narsami Qaqortumilu Teknikkeqarnermut Ingerlatsivimmi mappi takuuk.
Avatangiisit innarlitsaaliorneqarnissaannik Inatsisartut peqqussutaanni nr. 14, 17 februar 2022-meersoq naapertorlugu kommune pigisanik pigineqanngitsunik anginerusunik soorlu biilinik, umiatsianik, qamuteralaannik containerinillu igitsisinnaavoq, minnerpaamik qaammatini pingasuni inuttassarsiorneqarsimappata.
Pigisanik pigineqannngitsunik soorlu biilinik, umiatsianik, containerinillu qaammatini pingasuni inuttassarsiuineq 20.06.2024 aallartippoq qaammatillu pingasut qaangiuppata unissalluni. Qaqortumi Narsamiluunniit Teknikkeqarnermut Ingerlatsivimmi aamma kommunip nittartagaani mappimi assinngorlugit nassuiaatitalerlugit inuttassarsiuussinerit saqqummiunneqarput. Mappi kikkunnilluunniit takuneqarsinnaavoq, saqqummiussanilu pigisanik ilisarsigaanni kommunemut attaveqarluni piginnittutut allatsittoqarsinnaavoq kiisalu nunaminertamik uttaqqiisaasumik ilioqqaavissamik qinnuteqartoqarsinnaalluni.
Mappi ulluni piffissanilu ukunani misissorneqarsinnaavoq: ataasinngorneq, marlunngorneq, sisamanngorneq tallimanngornerlu ulluinnarni kommunip ammarsarfiisa nalaanni.
Saqqummiussineq naammasseriarpat kommunip saqqummiussat piiassavai, igissavai imaluunniit piginnittuusimasumut taarsiiviginertaqanngitsumik tuniniassallugit. Aningaasartuutit piginnittuusimasumit akilerneqassapput.
Inuttassarsiuussanut mappi una toorlugu takuuk.