Ado inuunermini politiitut sulisimavoq, KNI-mi pisiniarfimmi aqutsisutut kingullertullu Kommune Kujallermi Nanortalimmi nunaqarfittaanilu allaffissornermut pisortatut sulisimalluni.
Innuttaasut suleqatillu pitsaanerpaamik atugaqartikkumallugit Ado tunniusimalluni suliniuteqartuarsimavoq kommunimullu pingaarutilittut inissisimalluni. Tunniussarisimasai qaqugumut qujamasuutigineqarlutillu eqqaamaneqartarumaarput.
Adop toqukkut qimagunnerani annaasaq angeqaaq, Adolli peqatigisimanerani misigititaanullu qujamasunneq qaqugumut pigissavarput. Adomik ilisarisimanninnerput inuttut ineriartuutigaarput, tamannalu tamatsinni ingerlaqqittuassaaq.
Ado inuuvoq tamanut inissaqartitsisoq, kinaluunniit oqaasinnguinissamut pisariaqartitsigaangat tunniusimalluni tusarnaartuaannarpoq, tuppallersaallunilu qiimmassaasarnermini oqaatsit naleqquttut anittuaannarpai. Immikkuullarequtaasa ilagaat inuit ajunngitsortaannik isiginnittarnini, qiimanermik siaruarterisuunini, inoqatiminik isumaginnittuunini minnerunngitsumillu tatiginartuunini.
Adop inussiarsuunera quiasaariumatusarneralu nunaqataasugut maqaasissaqaarput.
Kommunalbestyrelsi sinnerlugu Adop kinguaavi qanigisaalu annaasaqarneranni misiginneqatigingaarpakka.
Adolf Silassenip Adop eqqaaneqarnera ataqqinartuuli.
Stine Egede, borgmesteri.