Poul Hardip isaaniit nunatta inui, kulturia pinngortitaalu assilisarsimasai malinnaavigikkit. Poul Hard ukiorpassuarni tusagassiutitigut allagakkatigut assitigullu Sermitsiaq/AG qanimut suleqatigalugu takutitassiaqartarsimavoq.
Poul Hardip assiliinermini pisut assililluartarpai, assini qalipaaterpassuit takusassallu immikkuullarissut ersarissillutik, inunnut sunniuteqartitsisarlutik kiisalu pissanganartuullutik.
Hardi aamma piviusulersaarusiortartuuvoq, politikkikkut, kulturikkut, silamut tunngasut, allallu pisut pingaarutillit qaqugumut pigineqartussanngortittarpai.
Saqqummersitsineq ammaanersiussaaq ulloq 19.05 nal. 14.00, tassani Poul Hardip assiliisartutut ingerlanini assiutinilu pillugit oqaaseqassalluni.
Saqqummersitsineq Qaqortup Katersugaasiviani ulluni takuneqarsinnaavoq 19.05 – 19.06 ilanngullugu.
Katersugaasiviup ammaffigisarpai marlunngorneq, sisamanngorneq sapaallu nal. 13-16.