Tasersuup Atuarfiani pisortatut atorfik qaammatini kingullerni inuttassarsiuunneqareerluni maanna inuttalerneqarsimalerpoq. Pisortatut atorfinittup Tasersuup Atuarfia ilisimaarilluarpaa, taannami katillugit ukiuni 13-ini sumiiffimmi sulereersimavoq.
-Atorfimmi iserfigisanni suliassakka pissanganaqaat, nuannerunaqaallu. Tasersuup Atuarfiani ukiuni arlaqartuni sulininni pissutit ilisimaarivakka, taamaattumik nalunngilara suliassakka aamma oqitsuinnaanavianngitsut. Sapinngisarali tamaat sulissaanga, Tasersuup atuarfiani pisortanngortoq Ida Jeremiassen oqarpoq.
Tasersuup atuarfiani pisortanngortoq Inerisaanermik Ingelatsivimmi atuarfeqarnermut pisortamit nuannaarutigineqarpoq.
-Tasersuup Atuarfiani Ida Jeremiassenip pisortaanertut atorfininnera nuannaarutigaara, pisortatut atorfiniffigisani ilisimaarilluarmagu suleqatigilluarnissaanik neriuuteqarfigilluarpara. Idap atorfininnerani pilluaqquara, sulilluarnissaanillu kissaallugu, Inerisaanermik ingerlatsivimmi atuarfeqarnermut pisortaq Magdaline A. Geraae oqarpoq.
Tasersuup Atuarfia 405-inik atuartoqarpoq 45-nillu ilinniartitsisoqarluni.