Iliveqarfitoqammi ilerrit ukiuni 50-inik sivisunerusumik piusimasut assallugit ataatsimoorussamut iliverneqarnissaat 2024-mi aasanerani pissaaq.
Taamaaliornikkut iliveqarfitoqqami ulikkaarluinnalersumi siunissami ilisinissanut inissaqarlualernissaa siunertaavoq.
Iliveqarfitoqammi inissaqarnerulernissaa siunertaralugu kingullermik 2016-mi assaasoqarpoq, ataatsimoorussamillu ilerrup sumiinnissaa taamani aaliangernerqarpoq.