Kommune Kujallermiit siusinnerusukkut e-boks atorlugu akiligassanik nassiussiniartarneq iluatsittarsimanngitsoq maanna iluatsittumik atorneqalerpoq.
-Nuannaarutigaara e-boks aqqutigalugu maanna iluatsittumik akiligassanik nassiusisinnaanngornerput, maannami akiligassat 1.135-t nassiussimalikkagut e-boksimi takuneqarsinnaalerput, Kommune Kujallermi aningaasaqarnermut pisortaq Arne Andersen oqarpoq.
Iluatsittumik e-boksikkit nassiussisinnaanngornermi Kommune Kujallermiit aningaasat nalunaarsorneqarnerannut takussutissiat (Kontoudtog) e-boksikkut nassiunneqartalissapput.
e-boksimut tunngasumik apeqqutissaqaruit innuttaasunut sullissivik attavigisinnaavat, imaluunniit sullissivik.gl-imi e-boks pillugu atuagaqarlutit.