Saqqummertumi uani siulliusumi januaarimiit marsi ilanngullugu borgmesteri sulinermini sulerisimanersoq atuarsinnaavat. Apriili naappat, apriilimi borgmesterip qaammataa saqqummersinneqarumaarpoq.
Januaari
06.01.2024: Juulli naggaserlugu Qaqortumi meeqqat angerlarsimaffiup avataanut inissinneqarsimasut angajoqqaarsiai peqatigalugit Katersortarfimmi orpiliaqatigiinnermut nuannisarfioqisumut peqataavunga.
10.01.2024: Kommune Kujallermi ikiaroornartup ajornartorsiutaanera pillugu iliuuseqarnissamik siunnerfiusumik Isumaginninnermi Inerisaanermilu Ingerlatsivimmi pisortat ataatsimeeqatigaakka.
18.01.2024: Utoqqaat oqaaseqartartuat kommunimik suleqatiserinninnera pillugu ataatsimeeqatigivara.
19.01.2024: Avatangiisinut Ingerlatsiviup aamma Isumaginninnermut ingerlatsiviup pisortarisai Ingerlatsiviit ataatsimoorlutik suleqatigiissutigisinnaasai pillugit ataatsimeeqatigaakka. Matumani Narsami Nanortalimmilu inissiaatinik iluarsartuussinissaq aserfallatsaaliisarnissarlu pillugit ataatsimeeqatigalugit.
23.01.2024: Aalisarnermut inatsisissamut tusarniaasoqarneranut atatillugu Kommune Kujallermiit akissuteqannginnitsinni Arctic Primes Fisheriesiminngaanniit ataatsimeeqateqarpunga.
23.01.2024: Ataatsimiititaliat siulittaasui ataatsimeeqatigivakka.
24. aamma 25.01.2024: Innovation South Greenlandimi siulersuisuni ataatsimiinneq Hotel Qaqortumi peqataaffigivara.
26.01.2024: Nunalerinermut, Imminut Pilersornermut, Nukissiutinut Avatangiisinullu Naalakkersuisoq Kalistat Lund ataatsimeeqativara. Matumani Kommune Kujallermi eqqagassaqarneq, eqqagassanillu assartuisarnissaq pillugu ataatsimeeqatigalugu.
26.01.2024: Kommune Kujalleq aamma Timersoqatigiit Kattuffiallu isumaqatigiissuterput atsioqatigiissutigivarput. Matumani suleqatigiinnissamik isumaqatigiissuterput innuttaasut peqqinnerunissaannik siunertaqartoq atsioqatigiissutigalugu.
26.01.2024: Siu-Tsiu allaffiannut pulaarpara.
29.01.2024: Nalunaq A/S pillugu inuuttaasunut tusarniaasoqarnerani Narsarsuarmi, Tasiusami, Alluitsup Paani, Nanortalimmi Qaqortumilu peqataavunga.
Februaari
02.02.2024: Nuna tamakkerlugu Takornariaqarnermut periusissiaq pillugu Naalakkersuisup Naaja H. Nathanielsenip Hotel Qaqortumi ataatsimiisitsinerani peqataavunga.
02.02.2024: Utoqqaat oqaaseqartartuat Kiista P. Isaksenilu isumaqatigiissuteqarluta atsioqatigiippugut. Matumani isumaqatigiissutigivarput Kommune Kujalleq ininik aammalu isiginnaarutitigut ataatsimiissutinik periarfissiissuteqartassasoq, utoqqaallu oqaaseqartartuat ataatsimiinnerit inernerinik kommunemut ilisimatitsissuteqartassasoq.
02.02.2024: Kommune Kujallermi upalungaarsimanermut nersornaat siulliusoq ataatsimooqatigiiffiusumik Sermeq Helicopterimeersumut Pilu Nielsenimut tuniuppara. Nersornaaserneqarneranut 2023-mi Qaqortumi Tasersuup avannaatungaani ikuallattoqarnerani aamma Qaqortumi eqqaavissuup ikuallarujussuarnerani suleqataalluarsimanera tunngavilersuutaavoq.
04.02.2024: Meeqqanut, Inuusuttunut, Ilinniartitaanermut, Kultureqarnermut, Timersornermut Ilageeqanermullu Naalakkersuisoq Kommune Kujallermi innuttaasunut ataatsimiisitsinerani Qaqortumi peqataaffigaara.
05.02.2024: Naalakkersuisoq Aqqaluaq B. Egede Kommune Kujallermi Isumaginninneq pillugu atorfilittanik peqateqarlunga ataatsimeeqatigaara.
05.02.2024: Umiarsualivik pillugu isumalioqatigiisitamik pilersitsisoqarnissaa pillugu Avatangiisinut Ingerlatsivimmiit ataatsimeeqateqarpunga.
06.02.2024: Nanortallip siunissaa pillugu Nanortalimmi Qujanartip Illuani innuttaasunut ataatsimiisitsivunga.
07.02.2024: Nanortalimmi ilaqutariit illuanni innuttaasunut oqaloqateqarusuttunut periarfissiillunga ilaqutariit illuanniippunga.
08.02.2024: Nanortalimmi kommunip allaffiata iluarsartuunnera naammassisoq malunnartillugu kaffillernertalimmik ammaanersiortipparput.
12.02.2024: Air Greenlandip pisortaa Jacob Nitter, Qaqortumi mittarfittaarnissaq pillugu Air Greenlandip angalanissamut pilersaarutai pillugit Teams-ikkut ataatsimeeqatigaara.
13.02.2024: Perorsaanermik Ilinniarfimmiit Qaqortumiinneranni ataatsimeeqatigalugit saqqummiiffigineqarpunga, Kommunitsinnilu iliniakkat suut pisariaqartinneqarneri pillugit aamma apuussaqarlunga.
14.02.2024: Kommunalbestyrelsimi ataatsimiippugut.
15.02.2024: QAPP-imit arnallunniartarneq pillugu saaffiginnissutaasoq pillugu ISG-minngaanniit ataatsimeeqateqarpunga.
15.02.2015 – 23.02.2024: Ilulissanut angalavunga, matumani Naalakkersuinikkut ataqatigiissaarisoqatigiit ataatsimiinnerat peqataaffigiartorlugu. Kommunit Namminersorlutillu Oqartussat suliassaqarfiinut tunngasut politikkikkut oqaloqatigiissutigilluarpagut.
27.02.2024: Utoqqaat oqaaseqartartuat Teamsikkut ilisimatitseqatigiinnermik ataatsimeeqatigaara. Matumani Nanortalimmi Narsami Qaqortumilu utoqqaat ataatsimeeqatigisimaneri ilisimatitsissutaapput.
27.02.2024: Fonden for Entreprenørskab - Kalaallit Nunaat ataatsimeeqatigaara. Matumani Sanaartugassanik nutaaliornermut aallarnisaanermullu (Entreprenørskabs, innovations- og iværksætterkonkurrence) tunngatillu Qaqortumi 8-10. klassenut unammisitsinissaa ataatsimiissutigalugu.
28.02.2024: Upalungaarsimanermut isumalioqatigiisitaq ataatsimeeqatigaara.
29.02.2024: Qaqortup illoqarfittut ukioq 2025-mi 250-inngortorsiornissaanut atatilllugu suleqatigiisitamik pilersitsiffiusumik ataatsimiippugut.
Marsi
11.03.2024: Aningaasaqarnermut Inuussutissarsiornermullu ataatsimiititaliami ataatsimiippunga.
13.03.2024: Pingasunngornermi unnukkuani Campus Kujalliup inersuaani Qaqortumi innuttaasunut ataatsimiisitsivunga.
14.03.2024: Qaqortumi aalisartunik naapeqateqarpunga, matumani ilaatigut siunissami takorluugaat pillugit eqqartueqatigiiffiusumik.
14.03.2024: QAAP-imi U-16 niviarsiarartaat Ilulissani pissartanngorniunnerminni bronzinnanneranut atatillugu Qaqortumi kommunip ataatsimiittarfiani naapeqatigalugit pilluaqquakka.
18.03.2024: Qaqortumi mittarfissap aqqutaani qulleqarnissaq pillugu Nukissiorfiit ataatsimeeqatigaakka.
20.03.2024: Qaqortumi Tikkili Kleistip aaqqissugaanik Suliniut Aalasa tapersersorlugu pisuttuartitsineranut nuannisarfioqisumut peqataavunga.
20.03.2024: Kommunalbestyrelsimi ataatsimiippugut.