Kommune Kujallermi Avatangiisinut Ingerlatsivimmi allaffissornikkut atorfiit, Nanortalimmi Narsami Qaqortumilu suliffiusut katillugit 18-upput. Atorfiit taakku 18-iusut tallimanngornermi marsip aallaqqaataani tamakkerlutik inuttaqalerput.
-Ingerlatsivitsinni atorfiit tamakkerlutik inuttaqalernerat nuannaarutigaara. Atorfiit tamakkerlutik inuttaqalerneranni sullissinerup eqaannerusumik sukkanerulerluni pitsaaneruleqqinnissaanik isumalluarfigaara, Avatangiisinut Ingerlatsiviup pisortaa Sem Ottosen oqarpoq.
Avatangiisinut Ingerlatsivimmi allaffissornikkut sulisut marluk Nanortalimmiipput, marluk Narsamiittut kiisalu 14-it Qaqortumi sulisut.