Nanortalimmi Meeqqerivik sanaartorneqartussaq meeraaqqeriviullunilu meeqqeriviusussaq ulluni makkunani suliariumannittussarsiuunneqaleruttortoq, meeqqanut 64-nut inissaqartitsissaaq.
-Nanortalimmi meeqqerivissaq pilersaarutaasut malillugit maajimi sanaartorneqarluni aallartittussaassaaq, suliariumannittussarsiuussinerlu qaangiuteriarpat marsip ingerlanerani neqerooruteqarsimasunik oqaloqateqarnerit ingerlassapput, Avatangiisinut Ingerlatsivimmi pisortaq Sem Ottosen oqarpoq.
Suliuariumannittussarsiuussineq februaarip 23-annut killeqartinneqarpoq, sanaartornerullu naammassiffissaa 2025-mut siunnerfiuvoq.